Китап күргәзмәсе:-«Яхшылык кире кайта»

Иске Суыксу авылы китапханәсендә шагыйрь,прозаик  Әхсән Баянның тууына 95 ел уңаеннан “Яхшылык кире кайта”-диеп исемләнгән китап күргәзмәсе төзибез.Китапханәче Гимадиева Г. тормыш юлы,иҗаты  белән таныштырып үтә.Әхсән Баянов 1927 елның 8 декабрендә Башкортстанның Илеш районы Әшмән авылында туган. Аның нәсел шәҗәрәсе борынгы татар морзалары һәм дин әһелләре токымына барып тоташкан. 1943 елда күрше Ишкар авылында җидееллык мәктәпне тәмамлый., берничә ел колхозда эшли.

   Әхсән Баянов шигырьләре республика матбугатында 1951 елдан күренә башлый.  Әхсән Баян проза һәм драматургия жанрларында да нәтиҗәле эшли. Нигездә сугыш алды, сугыш вакыты һәм сугыштан соңгы авыл тормышы вакыйгаларына бәйләп яза.